Bıyl 2 myń naýqasqa ortopedııalyq operatsııa tegin jasaldy

«Bıyl Travmatologııa jáne ortopedııa ǵylymı-zertteý ınstıtýtynda tegin medıtsınalyq kepildendirilgen kómek boıynsha quny 781 mln teńgeden asatyn 1940 operatsııa jasaldy. Dárigerler neıronavıgatsııa qoldanyp omyrtqaǵa - 24, vertebroplastıka boıynsha - 34, torakoplastıka - 11, artroskopııa - 380, endokorrektor spondılodez baǵytynda 34 operatsııa jasaldy, sondaı-aq 161 adamnyń urshyq býynyn, 129 naýqastyń tize býynyn tolyq aýystyrdy. Elimizde joǵary tehnologııaly medıtsınalyq qyzmetter TMKK aıasynda azamattarǵa tegin kórsetiledi. Negizi, bir operatsııanyń quny 170 myńnan bastalyp, 1,7 mln teńgege deıin jetedi», - delingen QR DSM bapasóz qyzmetiniń málimetinde.
Aıta keteıik, 2015-2018 jyldary «Travmatologııa jáne ortopedııa» boıynsha joǵary tehnologııaly medıtsınalyq qyzmet sany 3360-tan 3813-ke ósti. Sonymen qatar, Travmatologııa jáne ortopedııa ǵylymı-zertteý ınstıtýtynda Shemirshek tinin ósirýde kletkalyq tehnologııany paıdalaný da damyp keledi.
Eske sala keteıik, QR DSM Travmatologııa ǵylymı-zertteý ınstıtýty ǵylymı-tájirıbelik jáne uıymdastyrý-ádistemelik
TOǴZI bazasynyń ózinde ǵana emes, sondaı-aq óńirlerge saparlarda oqytý master-klastaryn ótkizý jolymen kadrlyq áleýetti damytýdy júzege asyryp,praktıkalyq medıtsınada ınnovatsııalyq ádisterdi engizip, elimizde ortopedııalyq-travmatologııalyq qyzmetti damytýǵa aıtarlyqtaı úles qosýda.