Bıyl 19 myńnan astam almatylyq aýyz sýmen qamtylady
Qala ákimi 2014 jyly Medeý aýdanyna Almaty oblysy Talǵar aýdanynyń aýmaǵy qosylǵanyn eske saldy. Bul – burynǵy aýyldar, al qazir qalamyzdyń shaǵyn aýdandary. Osy shaǵyn aýdandardyń turǵyndaryn sapaly sýmen jáne kanalızatsııamen qamtý ózekti máseleniń biri. «Byltyr 5,4 km sýmen qamtý jáne kanalızatsııa jelisi salynyp, rekonstrýktsııalandy. 2023 jyly jumystar kólemi edáýir ulǵaıyp, 64,7 km sý qubyry jáne kanalızatsııa jelisin tatý josparda.Nátıjesinde osy jyldyń sońyna deıin Kólsaı, Keńsaı, Sulýsaı, Kompot, Muztaý shaǵyn aýdandarynyń jáne Halıýlın kóshesiniń, ıaǵnı aýdannyń 19 myńnan astam turǵyny sapaly sýmen jáne kanalızatsııamen qamtylady. Budan basqa, Dýman shaǵyn aýdanynda 14 km sý qubyry men kanalızatsııa jelisin salýǵa jobalaý-smetalyq qujattama ázirlenýde»,- dedi Erbolat Dosaev.
Sondaı-aq ol byltyr tamyz aıynda «Kamenskoe plato» shaǵynaýdanynda sý qudyǵyndaǵy sý deńgeıin ólshengenin atap ótti. Ol sý qudyǵy debetiniń 2,5 ese tómendegenin kórsetti. «Osy problemany sheshý úshin meniń tapsyrmammen 4 jańa sý kózin salyp, «Balqash» rezervýarlary men sorǵy stantsııasyn tolyq rekonstrýktsııalaý jobasy ázirlenýde. Bul Kamenskoe plato, Kólsaı, Muztaý jáne ıÝbıleınyı shaǵyn aýdandaryn turaqty sýmen qamtýǵa múmkindik beredi. 3 mlrd 568 mln teńge mólsherinde qarajat bólindi, jumystar osy jyldyń sáýir aıynda bastalyp, jyl sońyna deıin aıaqtalady.
«Bul jumystar aıaqtalǵanǵa deıin «Almaty sý» men aýdan ákimdigi osy shaǵyn aýdandardyń turǵyndaryn qosymsha tasymaldy sýmen qamtamasyz etetin bolady»,- dedi shahar basshysy.