Bıyl 19 myń shaqyrym jol aspapty dıagnostıkadan ótedi

NUR-SULTAN. QazAqparat – Elimizde joldardyń sapasyn aspaptyq zertteýdiń tsıfrlandyrylǵan aqparattyq júıesi synaqtan ótip jatyr, dep habarlaıdy QazAqparat.

«Júıe bıyl aqparattyq qaýipsizdik talaptaryna sáıkes kelý boıynsha synaqtan ótkennen keıin, ónerkásiptik paıdalanýǵa berilmek. Jol aktıvterin basqarý júıesi – jiti júrgizilgen aspapty zertteý derekteri boıynsha jóndeýge qajetti ınvestıtsııa kólemderin boljaıtyn arnaıy jetildirilgen aqparattyq júıe», - dep jazady mınıstrliktiń resmı saıty.

Endi jolǵa jaýapty mamandar osy júıeniń kómegimen joldaǵy aqaýlardy erte bastan joıyp, sonyń arqasynda kúrdeli shyǵyndardyń aldyn alamyz dep otyr.

Atalmysh aqparattyń júıe kóshpeli zerthanalardyń kómegimen jol jaǵdaıyn aspaptyq zertteýge múmkindik beredi.

«Bıyl respýblıkalyq mańyzǵa ıe joldardyń 19 myń shaqyrymy aspapty dıagnostıkadan ótkiziledi. Zertteý quny 1,5 mlrd teńge. Bolashaqta dıagnostıkalaý jumystarymen jergilikti mańyzy bar joldardy qamtý josparlanyp otyr», - delingen resmı aqparatta.