Bıyl 19 mln. tonnadaı astyq jınalady - QR AShM-nyń boljamy

ASTANA. 31 qazan. QazAqparat - Aǵymdaǵy jyly jınalatyn astyqtyń taza salmaǵy 18,5-19 mln. tonna bolady. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Aýyl sharýashylyǵy vıtse-mınıstri Múslim Ómirıaev osyndaı boljam jasady.

«Búginde ákimdikterdiń aqparaty boıynsha bıdaı egin alqaptarynyń 97 paıyzy jınaldy. Osy ýaqytqa deıin bastyrylǵan ónimniń býnkerlik salmaǵy 20,5 mln. tonnany qurady. Demek, qazirgi kezde biz bıylǵy astyqtyń jalpy kólemi 18,5-19 mln. tonnaǵa jetedi dep aıta alamyz», - deıdi M.Ómirıaev. Vıtse-mınıstr atap kórsetkendeı, bıyl Qazaqstan eksportqa 9-10 mln. tonna astyq shyǵara alady.