Bıyl 18 mln temirjol bıleti satyldy
NUR-SULTAN. QazAqparat – Bıyl 10 aıynda 18 mln-nan astam temirjol bıletteri satyldy. Bul týraly QazAqparat «Jolaýshylar tasymalyna» silteme jasap habarlaıdy.
«1 shildeden bastap elektrondy bılet satýdyń jańa júıesi engizildi. Ol otandyq «Mobıýs» fıskaldy kompıýterlik baǵdarlamasy boıynsha júzege asyp otyr. Jańa júıe boıynsha bir baǵytqa bir mezette 5 retten artyq tapsyrys bergen kezde kassa belgili bir ýaqytqa (5 mınýtqa) buǵattalady, ıaǵnı júıege túsken bıletti lezde «qaǵyp» alý endi múmkin emes, sondaı-aq qaıtarylǵan jáne bron boıynsha paıdalanylmaı qalǵan bıletter tikeleı Kútý paraǵyna túsedi. Jáne de bıletterdi satý kózderi ulǵaıdy (ınternet -saıt, ózine-ózi qyzmet kórsetý termınaldary, poshta bólimsheleri arqyly). Osynyń bári jol júrý qujattaryn (bıletterdi) satý kezinde teris paıdalaný faktilerin boldyrmaýǵa múmkindik berdi», - delingen kompanııa habarlamasynda.
Shilde aıynan qazan aıyna deıin jolaýshylar 76 611 bılet satyp alǵan.
«Aǵymdaǵy jyldyń 10 qazanynan bastap oryn brondaý faktisin rastaý boıynsha SMS-habarlama engizildi. Jalpy 2019 jyldyń 10 aıynda 18 mln 021 myń bılet satyldy», - dedi baspasóz qyzmeti.
