Bıyl 18,5 mln. tonna astyq jınalady dep kútilýde - QR AShM

ASTANA. 23 qyrkúıek. QazAqparat - 12,6 mln. tonna astyq bastyryldy. Búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Aýyl sharýashylyǵy mınıstri Asyljan Mamytbekov osylaı málim etti.

«21 qyrkúıektegi jaǵdaı boıynsha dándi daqyldar 10,3 mln. gektar aýmaqta jınaldy, bul barlyq egis kóleminiń 65 paıyzyn qurap otyr. Atap aıtqanda osy egistik kóleminde 12,6 mln. tonna astyq bastyryldy. Ortasha ónimdilik gektarynan 12,2 tsentnerdi qurady. Bul ótken jylǵy deńgeıden gektaryna 3,6 tsentnerden joǵary»,-dedi mınıstr.

Búginde negizgi astyqty aımaqtarda, ıaǵnı Aqmola, Qostanaı jáne Soltústik Qazaqstan oblystarynda dándi daqyldardyń 65 paıyzy jınaldy.

Qazirgi kezde neǵurlym tómen ónimdilik Aqtóbe (gektarynan 5,4 tsentner), Batys Qazaqstan (6,9 tsentner) oblystarynda baıqalýda. «Osyndaı kórsetkishter bul aımaqtardaǵy aýa raıynyń jaǵdaılaryna baılanysty bolyp otyr»,-dedi A. Mamytbekov.

Onyń sózine qaraǵanda, Qyzylorda, Jambyl, Ońtústik Qazaqstan oblystarynda jazǵy bıdaı men arpany jınaý tolyǵymen aıaqtaldy.

Mınıstrliktiń boljamy boıynsha 18,5 mln. tonna astyq jınalady dep kútilýde.