Bıyl 178 kásiporynǵa jalpy kólemi 147 mln. tonnany quraıtyn shyǵaryndylarǵa kvota bólindi - N.Qapparov
ASTANA. 11 maýsym. QazAqparat - Kásiporyndar belgilengen lımıtti arttyrǵany úshin kómirtegi qos totyǵynyń árbir tonnasy úshin 10 aılyq eseptik kórsetkish kóleminde aıyppul tóleıdi.
Bul týraly búgin QR Úkimetiniń selektorlyq rejimdegi otyrysynda QR Qorshaǵan ortany qorǵaý mınıstri Nurlan Qapparov málim etti.
Bıylǵy jyldyń basynda iske qosylǵan parnıktik gazdar shyǵaryndylaryna kvotalardy satýdyń Ulttyq júıesiniń aralyq nátıjeleri jaıynda baıandaǵan mınıstrdiń atap ótýinshe, qazirgi kezde kvotalardy satýdyń ishki naryǵyn qurýdyń negizgi erejeleri bekitilgen.
«Shyǵaryndylar boıynsha belgilengen lımıtti arttyrǵany úshin kómirteginiń qos totyǵynyń árbir tonnasy úshin 10 aılyq eseptik kórsetkish kóleminde aıyppul tólemi belgilendi»,- dedi ol.
N.Qapparovtyń atap ótýinshe, Ulttyq josparǵa sáıkes, bıyl 178 kásiporynǵa jalpy kólemi 147 mln. tonnany quraıtyn shyǵaryndylarǵa kvota bólindi. Bular negizinen energetıka, kómir, munaı jáne gaz óndirý, jáne ónerkásip salalarynyń kásiporyndary.
«Sonymen qatar, 2013 jylǵa qarastyrylǵan shyǵaryndylar rezervi 20 mln. tonnany quraıdy», - dedi mınıstr.
