Bıyl 171 myń tonna mal sharýashylyǵy ónimi tekserildi - Saparhan Omarov

NUR-SULTAN. QazAqparat – Veterınarııa salasyndaǵy zańnamanyń buzylǵany úshin 2,4 myń jeke jáne zańdy tulǵa ákimshilik jazaǵa tartyldy. Bul týraly QR Aýyl sharýashylyǵy mınıstri Saparhan Omarov málim etti, dep habarlaıdy QazAqparat tilshisi.

«Ótken jyly Qazaqstan-Reseı ýchaskesinde 28 jáne Qazaqstan-Qyrǵyz ýchaskesinde 4 veterınarııalyq jáne fıtosanıtarııalyq baqylaý pýnkti uıymdastyryldy. Bul shara veterınarııalyq-sanıtarııalyq, fıtosanıtarııalyq, karantındik turǵydan mal sharýashylyǵy men ósimdik sharýashylyǵy qaýipti ónimderiniń ákelinýine jol bermeýge múmkindik beredi», - dedi mınıstr Úkimet otyrysynda.

Onyń sózine qaraǵanda, 2020 jyldyń basynan beri jalpy kólemi 171 myń tonna mal sharýashylyǵy ónimi tıelgen 17 myń avtokólik tekserildi.

«Jalpy veterınarııa salasyndaǵy zańnamanyń buzylǵany úshin jalpy somasy 86,2 mln teńgege 2,4 myń jeke jáne zańdy tulǵa ákimshilik jazaǵa tartyldy», - dedi S. Omarov.