Bıyl 17 myńǵa jýyq elordalyq búldirshin 1 synypqa barady
ASTANA. QazAqparat - Astana qalasy Bilim basqarmasynyń habarlaýynsha, bıyl 17 myńǵa jýyq oqýshy mektep tabaldyryǵyn alǵash attaıdy, dep habarlaıdy astana.kz.
Búgingi tańda Astanada 88 jalpy bilim beretin mektep jumys isteıdi. Ústimizdegi jyly 5 075 oryndyq 5 mektep pen 1050 oryndyq 2 qosymsha ǵımarat ashylady. Aıta keteıik, 1 maýsymda mektepke deıingi jastaǵy balalardy sabaqqa daıyndaýǵa baǵyttalǵan «Baldyrǵandar mektebi» óz jumysyn bastaǵan bolatyn. Atalǵan mekemeler ár mekteptiń janynan ashylyp, balalardyń sabaqqa degen yntasyn oıatýǵa, olarǵa mekteptegi oqý jaǵdaıyna beıimdelýge kómektesedi. «Baldyrǵandar mektebi» dúısenbiden jumaǵa deıin kúnine 3 saǵattan oqytady. Bir toptaǵy 15-20 bala úshin sabaqtardyń uzaqtyǵy 25-30 mınýt bolady.
