Bıyl 17 mln. tonna astyq jınaldy
ASTANA. QazAqparat - Bıyl 17 mln. tonna astyq jınaldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ulttyq ekonomıka vıtse-mınıstri Mádına Ábilqasymova málim etti.
«Aǵymdaǵy jyldyń 11 aıyndaǵy aýyl sharýashylyǵynyń naqty ındeks kólemi 99,6 paıyzdy qurady. Bul eń aldymen ósimdik sharýashylyǵyndaǵy óndiris kóleminiń 3,2 paıyzǵa tómendeýimen baılanysty», - dedi ol.
Sonymen qatar onyń atap ótýinshe, mal sharýashylyǵynda 3,5 paıyz kóleminde ósim baıqalady. Al ósimdik sharýashylyǵyndaǵy óndiris kóleminiń azaıýy astyq ónimderiniń jınalǵan kóleminiń tómendeýimen baılanysty oryn alyp otyr.
«Aldyn ala málimetterge sáıkes aǵymdaǵy jyldyń 11 aıynda jınalǵan astyqtyń jalpy kólemi 17 mln. tonnany qurady. Bul 2013 jylmen salystyrǵanda 6,6 paıyzǵa kem», - dedi M.Ábilqasymova.
