Bıyl 16 myńnan astam mas júrgizýshi kýáliginen aıyryldy

ASTANA. QazAqparat - 2015 jyly birinshi jartyjyldyqta 16 myńnan astam júrgizýshi mas kúıde rólge otyrǵany úshin kýálikterinen aıyryldy. Bul týraly búgin Ortalyq kommýnıkatsııalar qyzmetinde Joǵarǵy Sot sýdıasy Nurjan Qaıypjan málim etti.

«Bıyl birinshi jartyjyldyqta aýdandyq jáne qalalyq sottarǵa 541 409 azamattyq jáne ákimshilik aryz kelip tústi. Bul 2014 jyldyń sáıkes kezeńine qaraǵanda, 14 210 az. Azamattyq isterdiń 314 903 sońyna jetkizilse, 190 544 qatysty sot sheshimi shyqty. Jalpy sot aktileriniń 98 paıyzy zańdy dep tanyldy. Ákimshilik ister 2,7%-ǵa qysqaryp, 200 160 isti qurady. Azamattyq aryzdardyń 7 324-i balama joldar arqyly beıbit sheshildi. Atap aıtqanda, 4539 is - kelisim jasaý arqyly, 2785 is - medıatorlardyń kómegimen sheshildi», - dep atap ótti N. Qaıypjan.

Onyń atap kórsetkenindeı, ákimshilik quqyq buzýshylyqtar týraly isterde negizinen kólikti mas kúıde júrgizgen adamdarǵa qatysty boldy. «2015 jyly birinshi jartyjyldyqta 16 873 júrgizýshi mas kúıde rólge otyrǵany úshin kýálikterinen aıyryldy. Bul osy sanattaǵy isterdiń 87 paıyzyn qurap otyr», - dep túıdi oıyn ol.