Bıyl 158 jańa ónerkásiptik óndiris iske qosylady - Úkimet basshysy
«Inflıatsııadaǵy azyq-túlik taýarlarynyń úlesi 55 paıyz bolyp otyr. Sondyqtan, bıyl biz agroónerkásip keshenin qarjylandyrýdy eki esege arttyrdyq, nátıjesinde 9 aıdyń qorytyndysy boıynsha aýyl sharýashylyǵy jalpy óniminiń 7%-ǵa naqty óskenin kórip otyrmyz. Sondaı-aq, aýyl sharýashylyǵynyń negizgi kapıtalyna salynǵan ınvestıtsııa naqty mánde 7,5 paıyzǵa ósti», - dedi Álıhan Smaıylov Májilistiń jalpy otyrysynda.
Onyń aıtýynsha, shıkizattyq emes sektorda orta merzimdi perspektıvaǵa 25 trıllıon teńgeni quraıtyn 734 jobany júzege asyrý josparlanyp otyr. Sonyń arasynda 440 joba ımportty almastyrýǵa baǵytalǵan.
«Bıyldyń qorytyndysy boıynsha 158 jańa ónerkásiptik óndiris nysany iske qosylady. Bul rette ımportqa táýeldilikti azaıtýǵa baǵyttalǵan «Qarapaıym zattar ekonomıkasy» baǵdarlamasy júzege asyrylyp jatyr», - dep qosty Premer-Mınıstr.
Budan buryn habarlanǵandaı, Á. Smaıylov Reseıden Qazaqstanǵa keletin barlyq ımport 30%-ǵa qymbattaǵanyn aıtty .
