Bıyl 150 myńnan astam otbasy turǵyn úı jaǵdaıyn jaqsartady
«Bıyl 15 mln sharshy metr turǵyn úı salý boıynsha mindetteme qabyldadyq. Memlekettik ınvestıtsııalar esebinen 150 myńnan astam otbasy turǵyn úı jaǵdaılaryn jaqsartady. Onyń ishinde shamamen 39 myń otbasy turǵyn úımen qamtamasyz etiletin bolady. Memlekettik qoldaý kólemi ótken jylmen salystyrǵanda 1,5 ese ósti», - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.
Osy oraıda ol bıyl Memleket basshysynyń tapsyrmasy boıynsha kezekte turǵandardyń turǵyn úı máselelerin tezdetip sheshý úshin «5-10-20» pılottyq jobasyn iske asyrý bastalǵanyn aıtty.
«Ulttyq bank 390 mlrd teńge bóldi. Onyń ishinde kredıttik turǵyn úı salý úshin óńirlerge 180 mlrd teńge aýdaryldy. Barlyǵy 15,2 myń páter salý josparlanǵan. «5-10-20» baǵdarlamasynyń sharttary boıynsha kezekte turǵandarǵa kredıt berý úshin 210 mlrd teńge Turǵynúıqurylysbankine aýdaryldy. 90 mlrd teńge mólsherindegi birinshi transh tamyz aıynda bólindi, 35 mlrd teńge somasynda 2,6 myń qaryz berildi«, - dedi Marhabat Jaıymbetov.
