Bıyl 150-den astam nárestege sanavıatsııa kómegi tıdi

ASTANA. QazAqparat - Qajetti medıtsınalyq kómek kórsetý úshin jyl basynan beri elimizdiń óńirlerinen 150-den astam jańa týǵan náreste sanıtarlyq avıatsııa kúshimen tasymaldandy. Bul týraly Densaýlyq saqtaý mınıstrligi málimetinen belgili boldy, dep habarlaıdy QazAqparat.

«Ótken jyly sanıtarııalyq avıatsııa kúshimen 450-den astam osyndaı naýqastarǵa, onyń ishinde týǵan kezde salmaǵy kılogramǵa jetpeıtin nárestelerge medıtsınalyq kómek kórsetildi. Osyndaı shaqalaqtardy tasymaldaý úshin sanıtarlyq avıatsııa áýe kemeleri arnaıy kıývezdermen jáne balanyń ómirlik kórsetkishterin demeıtin medıtsınalyq qural-jabdyqtarmen jabdyqtalǵan. Osyndaı naýqastardy tasymaldaý kezindegi basty mindet - balanyń tynys alýyn, deneniń temperatýralyq rejimin jáne júrek jumysyn demeý», - delingen vedomstvo habarlamasynda.

Aıta keteıik, 2018 jyldyń birinshi jartyjyldyǵynda patologııalyq jaǵdaıdaǵy náresteler  sanıtarlyq avıatsııa naýqstarynyń jalpy sanynyń 17,3 paıyzyn qurady.

Jalpy, bıylǵy 6 aı ishinde sanıtarlyq avıatsııamen 982 áýe sapary júzege asyrylyp, 1 072 naýqasqa medıtsınalyq kómek kórsetildi. Munymen qosa 1 137 medıtsınalyq qyzmet jasaldy.