Bıyl 15 shetel fılmi qazaq tilinde sóıleıdi
«Qazir qazaq tilindegi kınokontetke suranys óte zor. Bul rette, Mınıstrlik qazaq tiline dýblıajdanatyn sheteldik blokbasterlerdiń sanyn jyl saıyn arttyratyn boldy 2023 jyly 15 fılmdi dýblıajdaý josparlanǵan», - delingen Mádenıet jáne sport mınıstrliginiń «QazAqparat» agenttigine bergen jaýabynda.
Keıingi 5 jyl ishinde «Meloman» kompanııasy Disney jáne Sony pictures kınokompanııalarynyń 17 fılmin dýblıajdady. Sonyń ishinde, memlekettik qoldaýdyń arqasynda «Avatar» (birinshi bólim), «Qara qabylan: Vakanda jasasyn!» jáne «Avatar. Sý joly» fılmderi qazaq tiline dýblıajdandy.
«Kınematografııa týraly» 2019 jylǵy 3 qańtardaǵy Zańyna sáıkes, prokatua shyǵýy shekteýli fılmderdi qospaǵanda, Qazaqstan aýmaǵynda kınozaldar men osy maqsattarǵa arnalǵan ózge de oryndarda prokattalýy jəne kórsetilýi qazaq tilinde júzege asyrylmaıtyn fılmder memlekettik tilde dýblıaj jasalýǵa nemese sýbtıtrlenýge, sondaı-aq kadr syrtyndaǵy aýdarmamen qamtamasyz etilýge tıis. Atalǵan Zańnyń 13 babynyń 5-tarmaǵy 2 tarmaqshasyna sáıkes, «Ulttyq kınony qoldaý memlekettik ortalyǵy» kommertsııalyq emes aktsıonerlik qoǵamy Qazaqstan aýmaǵyna əkelinetin balalar anımatsııalyq fılmderi men otbasymen kórýge arnalǵan fılmderdi qazaq tilinde dýblıajdaýdy qarjylandyrý jónindegi biryńǵaı operatory sanalady», - dep atalyp ótken vedomstvo málimetinde.
Fılmderdi qazaq tiline dýblıajdaýdy qarjylandyrý týraly sheshimdi ýákiletti organ Saraptama keńesiniń oń qorytyndysy jáne Ulttyq fılmderdi memlekettik qarjylyq qoldaý máseleleri jónindegi vedomstvoaralyq komıssııanyń usynymy negizinde qabyldaıdy. 2023 jylǵy 10 naýryzda Mádenıet jáne sport mınıstriniń «Qazaqstan Respýblıkasynyń aýmaǵyna əkelinetin balalar anımatsııalyq fılmderi men otbasymen kórýge arnalǵan fılmderdi qazaq tilinde dýblıajdaý úshin irikteý qaǵıdalaryn bekitý týraly» № 72 buıryǵy qabyldandy. Atalǵan buıryq Qazaqstan Respýblıkasynyń aýmaǵyna ákelinetin balalar anımatsııalyq fılmderi men otbasymen kórýge arnalǵan fılmderdi qazaq tilinde dýblıajdaý úshin irikteý tártibin aıqyndaıdy.
Budan buryn habarlanǵandaı, byltyr jalpy kınoprokattaǵy otandyq fılmderdiń úlesi shamamen 14,5 paıyzdy qurady.
