Bıyl 15 mln sharshy metr turǵyn úı paıdalanýǵa beriledi

NUR-SULTAN. QazAqparat - Bıyl 15 mln sharshy metr turǵyn úı paıdalanýǵa beriledi. Bul týraly QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Nurly jer» baǵdarlamasy aıasynda 1 500 ınfraqurylymdyq joba iske boıynsha otandyq kásiporyndar 159 mlrd teńgege qurylys materıaldary, jabdyqtar, jumystar men qyzmetter satyp aldy. Іske asyrylyp jatqan jobalar boıynsha qazaqstandyq qamtý úlesi 93 paıyzdy qurady. Bıyl «Nurly jer» baǵdarlamasy aıasynda turǵyn úı jáne ınjenerlik kommýnıkatsııalardy satyp alý jáne salý boıynsha jappaı turǵyn úı qurylysy salynatyn aýdandarda 843 mlrd teńgege 923 joba iske asyrylyp jatyr«, - dedi ol Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, birinshi jartyjyldyqta 6,103 mln sharshy metr turǵyn úı paıdalanýǵa berilgen. Bul ótken jylǵy deńgeıden 7,3 paıyzǵa joǵary.

»Baǵdarlama josparyna sáıkes, bıyl 14 mln sharshy metr baspanany paıdalanýǵa berý josparlanǵan. Biraq, úı qurylysyna salynǵan ınvestıtsııa kólemine qaraǵanda osy jyly 15 mln sharshy metr turǵyn úıdi paıdalanýǵa berip qalýymyz múmkin«,- dedi birinshi vıtse-mınıstr.

Onyń aıtýynsha, atalǵan baǵdarlama aıasynda halyqty sapaly aýyz sýmen qamtamasyz etý úshin quny 457 mlrd teńge bolatyn 315 joba iske asyrylyp jatyr.