Bıyl 14 mln. tonna astyq jınaý boljanady - AShM
ASTANA. 10 shilde. QazAqparat - Bıylǵy jyly elimizde 14 mln. tonna astyq jınalatyny boljanady.
Bul týraly búgin Aýyl sharýashylyǵy mınıstrliginde ótken brıfıng barysynda «Agroónerkásip keshenindegi ekonomıkalyq saıasatty taldaý ortalyǵy» JShS dırektory Saǵyntaı Jumajanov osylaı málim etti.
«Biz bıylǵy jyly 14 mln. tonna astyq jınaýdy boljap otyrmyz. Degenmen, bundaı astyq kórsetkishine qolaıly aýa raıy da septik bolýy múmkin. Al soǵan qoldaǵy bar, ıaǵnı byltyrǵy qaldyq sanalatyn 7 mln. tonnany qosa sanaǵanda, aldaǵy eksporttyq áleýetimiz 10 mln. tonnaǵa jetýi múmkin», - deıdi Saǵyntaı Jumajanov.
Al AShM Eginshilik departamentiniń dırektory Anna Býts jınalatyn astyq kórsetkishine naqty tsıfrdy aıtý áli de qıyndyq týdyratynyn, máseleniń bári aýa raıynyń qolaılylyǵyna táýeldi bolatynyn atap ótti. «Egis jaǵdaılary men dál qazirgi ýaqyttaǵy aýa raıynyń áserine qaraǵanda, biz astyqtyń ortadan tómen, biraq qurǵaqshylyq qatty bolǵan 2010 jylǵy kórsetkishten joǵary bolady dep boljaımyz», - deıdi A. Býts.
