Bıyl 11 aıda qurylys salasyna ınvestıtsııa 2,1 esege artty - Áset Erǵalıev

NUR-SULTAN. QazAqparat – 2011 jyldyń 11 aıynda qurylys salasyna ınvestıtsııa 2,1 esege artty. Bul týraly Úkimet otyrysynda QR Ulttyq ekonomıka mınıstri Áset Erǵalıev málim etti, dep habarlaıdy QazAqparat tilshisi.

«Іshki jáne syrtqy ınvestıtsııalardy tartý ekonomıkalyq ósýdiń mańyzdy faktory bolyp qalýda. Bul rette óndirýshi emes salalar ınvestıtsııalar úshin tartymdy baǵyt bolyp saqtalýda. Osy jyldyń 11 aıynda negizgi kapıtalǵa ınvestıtsııalardyń ósý qarqyny 2,6 paıyzdy, onyń ishinde taý-ken óndirý ónerkásibin esepke almaǵanda negizgi kapıtalǵa ınvestıtsııalardyń ósý qarqyny 11,7 paıyzdy qurady», - dedi mınıstr.

Onyń dereginshe, ınvestıtsııalar qurylys salasynda – 2,1 esege, óńdeý ónerkásibinde – 50,5, aýyl sharýashylyǵynda – 40,5, saýdada – 34,2, jyljymaıtyn múlikpen operatsııalar salasynda – 18,6 jáne qarjy salasynda 14,2 paıyzǵa ósti.

«Óńirler arasynda eń joǵarǵy kórsetkish Shymkent, Almaty qalalarynda, sondaı-aq Aqtóbe jáne Pavlodar oblystarynda baıqalýda»,- dedi ol.