Bıyl 100 mlrd teńgeden astam qarjy ıgerilgen joq - Baqyt Sultanov
«Memlekettik bıýdjettiń shyǵystary 9 trln 21 mlrd teńgeni qurady nemese esepti kezeńdegi josparǵa - 97,7 paıyzǵa jetti. Aǵymdaǵy jyldyń 8 aıynda respýblıkalyq bıýdjettiń shyǵystary 7 trln 983 mlrd teńgege ıgerildi nemese 98,6 paıyz deńgeıinde. Ótken jylmen salystyrǵandaǵy ıgerýdiń jaqsy qarqynyna qaramastan, 1 qyrkúıektegi jaǵdaı boıynsha 115 mlrd teńgege jýyq qarjy ıgerilmedi. Onyń ishinde 13,2 mlrd teńge bıýdjet qarjysyn únemdeý, 101,6 mlrd teńge qarjynyń ıgerilmeýinen boldy»,-dedi mınıstr bıylǵy 8 aıdaǵy bıýdjettiń atqarylýy boıynsha baıandamasynda.
Onyń sózine qaraǵanda, jospardyń oryndalmaýyna bıýdjettik baǵdarlamalar ákimshileriniń baıaý áreket etýi negizgi sebep boldy. 8 aıdyń qorytyndysy boıynsha 16,6 mlrd teńge iske asyrylmaǵan konkýrstar men olardyń der kezinde ótkizilmeýi kesirinen ıgerilmeı qaldy. Al 6,9 mlrd teńge normatıvtik-quqyqtyq aktilerdiń ýaqtyly qabyldanbaýy saldarynan oryndalmady.
Ekinshiden, bıýjettiń tıisti kólemde ıgerilmeýine merdigerler jumysyna bıýdjettik baǵdarlamalar ákimshileri tarapynan jetkiliksiz deńgeıdegi baqylaý yqpal etti.