Bıyl 100-den astam soltústikqazaqstandyq sheteldiktermen nekelerin qıǵan
PETROPAVL. QazAqparat - Soltústik Qazaqstan oblysynda jyl basynan beri 2886 otbasy shańyraq kóterse, solardyń 153-sheteldik azamattarmen nekelerin qıǵan, dep habarlaıdy QazAqparat.
SQO Ádilet departamenti baspasóz qyzmetiniń málimetinshe, turmys quratyn qyzdardyń ortasha jasy 29 bolsa, jigitter qazir negizinen orda buzar jasqa kelgende ǵana úılenýge nıettenedi eken, ıaǵnı 31 jasynda shańyraq kóterýge ázir.
Sondaı-aq, oblysta erli-zaıypty atalǵandardyń eń jasy - 16-da bolsa, endi bir soltústikqazaqstandyq 78 jasynda otbasyn qurǵan. Ókinishke oraı, ajyrasýlar azaımaı otyr. Byltyr 2003 otbasynyń shańyraǵy ortasyna túsken. Bıyl on aıdyń ishinde AHAT organdary 1711 juptyń ótinishterine baılanysty nekesin buzǵan. Mundaı qadamǵa jańadan úılengender emes, ómirdiń ystyq-sýyǵyn birge kórip úlgergender barady eken. Olardyń ortasha jasy - 36-38-de.
