Bıyl 10 óńirde jastarǵa arnalǵan turǵyn úı baǵdarlamasy iske qosylady

ASTANA. QazAqparat – QR Aqparat jáne qoǵamdyq damý mınıstri Darhan Qydyráli jastardy baspanamen qamtý jumystary týraly baıandady, dep habarlaıdy QazAqparat.

«Jastardyń turǵyn úı máselesin sheshý boıynsha naqty jumystar jalǵasady. Qazir óńirlik turǵyn úı baǵdarlamalary 6 óńirde iske qosyldy. Bıyl jyl sońyna deıin osyndaı baǵdarlamalardy 10 óńirde ázirleý josparlanǵan», - dedi D. Qydyráli mınıstrliktiń keńeıtilgen alqa otyrysynda.

Aıta keteıik, taıaýda memlekettik jastar saıasaty týraly zań qabyldandy. Zańǵa sáıkes, jastar sanaty 35-ke deıin ulǵaıdy. Bul sanattaǵy azamattar sany 6 mıllıonǵa deıin kóbeıdi.

Daryndy jastardy qoldaý maqsatynda 3 mln teńgeden «Táýelsizdik urpaqtary» granty 33 adamǵa taǵaıyndaldy.

Bul grant jyl saıyn beriledi jáne onyń kólemin ulǵaıtý josparlanǵan.

Byltyr Qazaqstan jahandyq jastardyń damý ındeksinde 150 memleket arasynan 63-orynnan 53-orynǵa kóterilgen.