Bıyl 10 myńǵa jýyq ustaz biliktilikti joǵarylatý kýrstarynan ótedi

Bul týraly búgin Astanada pedagogtardyń biliktiligin arttyrý júıesine arnalǵan konferentsııada QR Bilim jáne ǵylym vıtse-mınıstri Murat Ábenov málim etti.

«2012 jyly «Órleý» AQ 6595 muǵalimdi qaıta daıyndyqtan ótkizdi. Bıyl biliktilikti arttyrý júıesi arqyly 9900 muǵalim halyqaralyq talaptar boıynsha oqytýdan ótpek», - dedi vıtse-mınıstr.

Onyń atap ótkenindeı, QR Bilim jáne ǵylym mınıstrliginiń tapsyrmasymen 3 aılyq kýrstarǵa qoıylatyn talaptardy joǵarylatý maqsatynda «Órleý» fılıaldarynda deńgeılik baǵdarlamalar ortalyqtary qurylǵan.

«Órleý» biliktilikti arttyrý ulttyq ortalyǵy» AQ pedagog kadrlardy biliktiligin arttyrý júıesinde kóshbasshy bolyp tabylady. Byltyr Úkimet qaýlysymen eldegi dara kúı keshken, bazasy álsiz 17 ınstıtýt «Órleý» ortalyǵyna biriktirilip, ortalyqtyń fılıaldaryna aınalǵan bolatyn.