Bıyl 10 myń tonna sút ónimderin shyǵaramyz - «Danone Berkut» JShS bas dırektory
ALMATY. 3 mamyr. QazAqparat - Qazaqstan sút ónimderin tutyný jaǵynan damyǵan elderden birshama artta qalyp qoıdy.
Bul týraly keshe Almaty oblysynyń Іle aýdanyndaǵy «Damý» ındýstrııalyq-logıstıkalyq ortalyǵyndaǵy «Danone Berkut» JShS-niń dástúrli qyshqyl sút ónimderin shyǵaratyn óndiris jelisin iske qosý jumysynyń aıaqtalýyna oraı ótkizilgen sharada aıtyldy.
«Qazirgi tańda biz 125 túrli sút ónimderin shyǵaramyz. Aldaǵy 3 jylda óndiris kólemin 2 ese ulǵaıtyp, eksportty arttyrýdy kózdep otyrmyz», - deıdi «Danone Berkut» JShS-niń bas dırektory Davıd Manzını. Onyń aıtýynsha, Qazaqstan naryǵynda 10 jyldan beri jumys jasap kele jatqan bul kompanııa bastapqyda ımportpen aınalysqan. Tek osydan 4 jyl buryn arnaıy zaýyt salýdy jón dep taýyp, Almaty oblysyndaǵy 9 sharýashylyqtan sút qabyldaı bastaǵan. Byltyr 6500 tonna tonna sút ónimin shyǵarǵan kásiporyn, bıyl ony 10 myńǵa, al kelesi jyly 15 myń tonnaǵa jetkizbek.
