Bıyl 10 máıittiń aǵzasy 50 qazaqstandyqtyń ómirin uzartty – Jaqsylyq Dosqalıev
«Búginde elimizde 2800-den astam adam búırek translantatsııasyn qajet etedi. Olardyń sany kúnnen-kúnge kóbeıe túsýde. Oǵan jete almaı dúnıeden ozyp jatqandary da bar. Baýyr transplantatsııasyn kútip otyrǵan adam sany 500-ge jýyqtaıdy. Júrekke 110 adam, ókpege 15 shaqty adam táýeldi bolyp otyr. Bul naýqastardyń ózi ǵana emes janyndaǵy otbasy, týǵan-týystary kúndiz kúlkiden, túnde uıqydan aırylyp otyrǵanyn túsinýimiz kerek. Biz olarǵa kómek kórsetýge daıynbyz. Úkimet tarapynan barlyǵy, qarajaty da daıyn tur. Endi zań júzinde qabyldasaq, alǵa qaraı ilgeriler edik», - dedi tanymal hırýrg Halyq densaýlyǵy kodeksiniń jańa nusqasy talqylaýǵa arnalǵan keńes aıasynda bergen suhbatynda.
Onyń aıtýynsha, Qazaqstanda aǵzany tiri adamnan da, máıitten de alýǵa bolady. Biraq, aǵza salynatyn adamnyń organızmimen tolyq saı kelýi tıis.
«Osy jyldyń 11 aıynda 10 máıitten aǵza alyndy. Ár máıitten 5 músheden alynyp, 50 adamnyń ómiri uzardy. Muny ary qaraı damytýymyz kerek. Bizde adam ólgennen keıin onyń aǵzasy jer qoınyna tolyq jerlenýi tıis degen túsinik bar. Menińshe, bul qate uǵym. Kóp bolsa jer astynda sol máıit 5 jyldaı ǵana bolyp, odan keıin buzylady. Tek súıegi qalady. Sony túsinýimiz qajet», - dedi ol.
Jaqsylyq Dosqalıevtiń dereginshe, álemde damyǵan elderdiń ishinde Ispanııada aǵza transplantalogııasy birshama jaqsy damyǵan.
«Bul elde bir mıllıon adamǵa 14, bizde 0,06 adam ǵana. ıAǵnı, joqtyń qasy. Al elimizde 4 myńnan astam adam aǵza transplantatsııasyna muqtaj bolyp otyr», - dedi J.Dosqalıev.
Aıta keteıik, elordadaǵy Astana medıtsına ýnıversıtetinde QR Densaýlyq saqtaý mınıstri Eljan Birtanov Halyq densaýlyǵy kodeksiniń jańa nusqasy talqylaýǵa arnalǵan kezdesý ótkizip jatyr.