Bıyl 10 densaýlyq saqtaý nysanynyń qurylysy júrgizilýde - OQO
ShYMKENT. QazAqparat - Bıyl Ońtústik Qazaqstan oblysynda mektepke deıingi 37 uıym ashyldy. Bul týraly búgin Elbasynyń júktegen fýnktsııalary men mindetteriniń oryndalýy boıynsha oblystyq máslıhat depýtattarynyń aldyndaǵy esebinde OQO ákimi Beıbit Atamqulov málim etti.
«Áleýmettik salaǵa aıryqsha kóńil bólinýde. Aǵymdaǵy jyly 10 densaýlyq saqtaý nysanynyń qurylysy, 8 nysanda kúrdeli jóndeý jumystary júrgizilýde. Búginge Túlkibas aýdanyndaǵy aýyldyq emhana iske qosyldy. Oblysymyzda álemdik medıtsınadaǵy ozyq tehnologııalar paıdalanylýda. Balalar qan tamyr hırýrgııasyn damytý qolǵa alyndy. Medıtsınalyq qyzmettiń sapasyn jaqsartý maqsatynda qyzmetkerlerdiń biliktiligin arttyrýǵa kóńil bólinip otyr. Esepti kezeńde náresteler ólim-jitiminiń kórsetkishi 13 paıyzǵa, qan aınalymy aýrýlary - 15 paıyzǵa, týberkýlez - 24 paıyzǵa, onkopatologııa - 2 paıyzǵa tómendedi», - dedi B. Atamqulov.
Budan bólek, bilim berý salasynda aǵymdaǵy jyly 37 mektepke deıingi uıymdar ashylyp, jalpy sany 1 561-ge jetti, osy rette balalardy qamtý kórsetkishi 80,5 paıyzdan 82,3% paıyzǵa artty.
«Búgingi tańda 42 mektep iske qosylyp, nátıjesinde 11 apatty jaǵdaıdaǵy men 9 úsh aýysymdyq mektepterdiń qurylysy aıaqtaldy. 77 nysanda kúrdeli jóndeý jumystary júrgizildi», - dedi óńir basshysy.
