Bıyl 1 naýryzdan bastap kásipkerler úshin salyq tóleýshiniń pasporty engiziledi

ALMATY. QazAqparat- 2022 jyldyń 1 naýryzynan bastap qoǵamdyq tamaqtandyrý jáne saýda salalarynda qyzmet etetin kásipkerler úshin salyq tóleýshiniń pasporty engiziledi. Bul týraly Almaty qalasy boıynsha Memlekettik kirister departamenti málim etti, dep habarlaıdy QazAqparat tilshisi.

Bul-salyq qupııasy bolyp tabylmaıtyn, memlekettik kirister organy qalyptastyratyn shtrıh-kodta (QR-kod) qamtylǵan kásipkerlik sýbektisiniń aqparattyq kartasy.

Salyq tóleýshiniń pasportyn qoǵamdyq tamaqtandyrý jáne saýda salasyndaǵy qyzmetti júzege asyratyn salyq tóleýshiler baqylaý-kassa mashınalarynyń janynda jáne jalpyǵa birdeı qoljetimdi oryndarda ornalastyrady.

Pasport tómendegideı aqparattardy qamtýy kerek:

- JSN/BSN;

- Salyq tóleýshiniń ataýy;

- Jeke kásipkerdiń nemese zańdy tulǵa basshysynyń TAÁ;

- Salyq tóleýshiniń mártebesi;

- Esepke qoıylǵan kúni;

- BKM tirkeý nómiri;

- Alkogol ónimderine lıtsenzııanyń bolýy.

Bul uǵym salyq organdary qalyptastyrǵan salyq tóleýshiniń salyq mindettemelerin oryndaýy týraly derekterine ashyq qol jetkizýdi usyný maqsatynda jáne halyqty (satyp alýshylardy, qyzmetterdi paıdalanýshylardy), kontragentterdi jáne taǵy basqany habardar etý maqsatynda engiziledi.

Salyq tóleýshiniń pasporty salyq organynda esepti aıdan keıingi ekinshi aıdyń 15-kúninen keshiktirmeıtin merzimde aıyna 1 ret qalyptastyrylady.

Salyqtar jáne basqa da kóptegen máseleler týraly tolyǵyraq 1414 nómiri nemese @mkdalmaty_dgdalmaty arqyly bile alasyz.