Bıyl 1 mln jasqa psıhıkalyq jáne reprodýktıv ortalyq qyzmetteri kórsetiledi

ASTANA. QazAqparat – Elimizde medıtsınalyq-sanıatrıaılyq alǵashqy kómek kórsetýdiń standarty jańarady, dep habarlaıdy QazAqparat tilshisi.

Bul týraly QR Densaýlyq saqtaý mınıstri Ajar Ǵınııat vedomstvonyń qorytyndy alqa májilisinde málim etti.

«2023 jyly medıtsınalyq-sanıtarııalyq alǵashqy kómek kórsetýdi uıymdastyrý standarty jańarady. Jalpy praktıkalyq dárigerdiń róli artady», - dedi mınıstr.

Naqtyraıq aıtsaq, atalǵan baǵytta patsıentterdi qoldaý qyzmeti jetildirilip, aqparattandyrylǵan qoǵamdyq monıtorıng jáne halyqpen keri baılanys tetigi jolǵa qoıylmaq.

Sondaı-aq:

- ınfektsııalyq emes aýrýlardy erte anyqtaý,

- aýrýlardy basqarý baǵdarlamalary,

- durys tamaqtanýdy, ómir saltyn úıretý,

- ámbebap progressıvti patronaj modeli,

- otbasyny josparlaý,

- erlerdiń densaýlyǵyn jaqsartý,

- balany damytý kabıneti sııaqty jobalar iske asyrylady.

«Dúnıejúzilik densaýlyq saqtaý uıymy maquldaǵan medıtsınalyq-sanıtarııalyq alǵashqy kómektiń patsıentke baǵdarlanǵan ozyq praktıkalary respýblıka boıynsha engiziledi. Budan basqa, bıyl halyq talap etetin medıtsınalyq qyzmetterdi qashyqtyqtan kórsetý boıynsha jumys kúsheıedi. Psıhıkalyq jáne reprodýktıvtik densaýlyqty saqtaý máselesi boıynsha jastar ortalyqtarynyń qyzmetterimen shamamen 1 mln jas qamtylady», - dedi Ajar Ǵınııat.