Bıyl 1 mln qazaqstandyqtyń jalaqysy 12%-ǵa ósti
ASTANA. QazAqparat – Jyl basynan beri 1 mıllıonnan astam jumyskerdiń jalaqysy orta eseppen 12%-ǵa kóterdi. Bul týraly OKQ-de ótken brıfıngide Eńbek jáne áleýmettik qorǵaý komıtetiniń tóraǵasy Tólegen Ospanqulov aıtty, dep habarlaıdy QazAqparat tilshisi.
«Jergilikti atqarýshy organdar jumyskerlerdiń jalaqysyn arttyrý boıynsha jumys berýshilermen túsindirý jumystaryn júrgizýde. Nátıjesinde ótken jyly 2,5 myń jumys berýshi 5-ten 50%-ǵa deıingi bóliniste 2 mıllıonnan astam jumyskerdiń jalaqysyn kóterdi. Aǵymdaǵy jyldyń basynan beri 1,7 myń jumys berýshi 1 mıllıonnan astam jumyskerdiń jalaqysyn orta eseppen 12%-ǵa kóterdi. Bul baǵyttaǵy jumys jalǵasýda», - dep toqtaldy Tólegen Ospanqulov.
Sonymen birge, brıfıngi barysynda komıtet tóraǵasy elimizdegi 73 kásiporynnyń jumyskerlerge tólemegen 1,4 mlrd teńge jalaqy bereshegi bar ekenin aıtty.
