Bıyl 1,5 mln gektar sýarmaly jerdi ıgerý josparlanǵan – mınıstr

ASTANA. QazAqparat – Bıyl 1,5 mln gektar sýarmaly jer ıgeriledi. Bul týraly Senattyń jalpy otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Oblys ákimdikteriniń aldyn ala derekterine sáıkes, bıyl 1,5 mln gektar sýarmaly jerdi ıgerý josparlanyp otyr. Naqty alań kólemi egis jumystary aıaqtalǵannan keıin belgili bolady», - dedi Erbol Qarashókeev.

Onyń sózine qaraǵanda, 1 mln 126 myń gektar nemese jerdiń 75% jerústi ádisimen sýarylady. 95,2 myń gektar kúrish alqaptaryn sý basý arqyly, 278,6 myń gektar alańda nemese 13,3 paıyzynda zamanaýı tamshylatyp sýarý júıeleri paıdalanylady.

«Munda sý únemdeý tehnologııalaryn qoldanýdyń joǵary úlesi baıqalatyn Pavlodar (25%), Jambyl (18%), Túrkistan (11%), Qaraǵandy (8,5%) oblystaryn atap ótý qajet», - dedi E. Qarashókeev.