Bıyl 1,2 myńnan astam kásiporyn jalǵan kásipkerlikpen aınalysqan - Salyq komıteti
ASTANA. 17 qyrkúıek. QazAqparat - 2013 jyly Qazaqstanda 1214 salyq tóleýshini sot jalǵan kásiporyn dep tanydy. Bul týraly búgin QR Prezıdenti janyndaǵy Ortalyq kommýnıkatsııalar ortalyǵynda ótken baspasóz máslıhatynda QR Qarjy mınıstrligi Salyq komıtetiniń tóraǵasy Ánýar Jumadildáev málim etti.
«Jalǵan kásiporyn qyzmeti - elimizdiń ekonomıkalyq qaýipsizdigine qaýip týdyratyn jáne bıýdjettik kiris bóligin qalyptastyrýǵa teris yqpal etetin mańyzdy máselelerdiń biri. Aǵymdaǵy jyldyń basynda jalǵan kásipkerlikti erte satysynda anyqtaý jáne jolyn kesý maqsatynda Salyq organdary men qarjy polıtsııasy organdarynyń birlesken buıryǵyna qol qoıyldy», - deıdi Salyq komıtetiniń basshysy.
Onyń aıtýynsha, Qarjy polıtsııasy organdaryna jalǵan kásiporyn belgileri bar 7333 zańdy tulǵaǵa qatysty málimetter berilgen.
«Búgingi kúnde 1214 salyq tóleýshini sot jalǵan kásiporyn dep tanydy. Kontragenttermen ózara esepaıyrysýlar 1 trln. 271,5 mlrd. teńgeni qurady. Júrgizilgen jumystardyń nátıjesinde eseptelgen KTS pen QQS somasy 107,6 mlrd. teńge bolǵan», - dep atap ótti ol.
