Bıtýmnyń óndiris kólemin Reseı shıkizatynyń esebinen arttyramyz – Bolat Aqsholaqov

NUR-SULTAN. QazAqparat – QR Energetıka mınıstri Bolat Aqsholaqov bıtým óndirisiniń jyldyq jospary nege kesteden keshigip jatqanyn túsindirdi, dep habarlaıdy QazAqparat tilshisi.

«Eldegi bıtýmnyń jıyntyq óndirisin jylyna 1,2 mln tonnaǵa deıin ulǵaıtý úshin jumys istep turǵan zaýyttarǵa qosymsha júkteme qoıý qajet. ıAǵnı, «CaspiBitum» zaýytynyń óndiris kólemin Qarajanbas munaıyn óńdeý esebinen jylyna 500 myń tonnaǵa deıin jetkizý kózdelip otyr. Sondaı-aq, «Qazaq Bitum» zaýytynyń óndiris kólemin Reseı gýdronynyń ımporty esebinen jylyna 374 myń tonnaǵa deıin jetkizý qajet», - dedi mınıstr ortalyq kommýnıkatsııalar qyzmetinde ótip jatqan brıfıngide.

Vedomstvo basshysynyń málimetinshe, ol úshin jol-qurylys kompanııalary qajettiligi týraly ótinim ótkizýi kerek.

«Memleket basshysynyń joldaýyna sáıkes elimizde bıtým óndirisin ulǵaıtý qajet. 2022 jylǵa bıtým óndirý jospary 726 myń tonnany qurady. Іs júzinde 8 aıda shamamen 600 myń tonna óndirildi. «QazaqBitum» boıynsha óndiris josparynyń oryndalmaýy basqa munaı óńdeý zaýyttarymen salystyrǵanda bıtýmǵa baǵanyń joǵary bolýyna baılanysty jol-qurylys kompanııalarynan ótinimderdiń bolmaýymen túsindiriledi. Óıtkeni «QazaqBitum» ony ımporttyq shıkizattan (gýdron) óndiredi», - dedi Bolat Aqsholaqov.

Foto: primeminister.kz