Bıtým jetkizý QazAvtoJoldyń monopolııasyna beriledi

NUR-SULTAN. QazAqparat – QR Energetıka mınıstri Bolat Aqsholaqov Prezıdent Qasym-Jomart Toqaevtyń Úkimettiń keńeıtilgen otyrysynda bıtým tapshylyǵyn joıý týraly tapsyrmasyn qalaı oryndaıtynyn málim etti, dep habarlaıdy QazAqparat tilshisi.

«Jol bıtýmynyń tapshylyǵyn joıý tapsyryldy. Tehnıkalyq otandyq bıtým óndirýshilerdiń óndiristi 300 myń tonnaǵa ulǵaıtýǵa múmkindigi bar. Nátıjesinde jyl saıynǵy jıyntyq qýat jylyna 1,2 – 1,3 mln tonnany quraıtyn bolady, bul ishki naryqtyń qajettiligin tolyqtaı jabady.

Tapshylyq bıtýmdy birkelki almaý sebebinen týyndaıdy, atap aıtqanda qysqy-kóktemgi kezeńde bıtým óndirýge is júzinde ótinim túspeıdi», - degen mınıstr Bıtým satyp alý úshin jalǵyz jetkizýshi retinde QazAvtoJoldy anyqtaý usynylady»,- dedi mınıstr.

Vedomstvo basshysy dızel otynyna saralanǵan baǵa belgileýdiń birneshe nusqasy qaralyp jatqanyn atap ótti.

«Dızeldiń shyǵarylýyna jáne tutyný sýbektisine qaraı saralaý boıynsha tásilder zerdelenetin bolady. Budan basqa, shekaralas aımaqtarda ornalasqan janarmaı quıý stantsııalary, sondaı-aq ortasha ólshengen baǵamen ımporttyq dızel otynyn ótkizý úshin saralanǵan baǵa belgileýdiń nusqalary qarastyrylatyn bolady. Tıisti sheshim jaqyn arada sizdiń qaraýyńyzǵa engiziledi»,- dedi Bolat Aqsholaqov.

Eske salsaq, Prezıdent Qasym-Jomart Toqaev Úkimettiń keshegi keńeıtilgen otyrysynda tranzıttik kólikterge saralanǵan janarmaı baǵasyn belgileýdi tapsyrǵan edi.