Bıtým ımportynan bas tarta almaımyz — Kólik mınıstri
ASTANA. KAZINFORM – Úkimet otyrysynda Qazaqstan nege áli bıtým ımportynan qutyla almaı otyrǵany sóz boldy.
— Bıyl bıtým boıynsha ishki naryqty tolyq qamtamsyz ete alamyz ba, — dep surady Úkimet basshysy Oljas Bektenov.
«Qazmunaıgaz» basshysy Ashat Hasenov bul Kólik mınıstrliginiń tapsyrysty qanshalyqty tıimdi úılestire alǵanyna baılanysty ekenin aıtty.
— Kólik mınıstrliginiń bıylǵa bergen suranysy boıynsha 1,2 mln tonna bıtým óndirýimiz kerek. Eń bastysy, jol salatyn kompanııalar tapsyrysty ýaqytynda berse, bıtým shyǵaratyn kompanııalardy ony oryndaıtyn qýat barshylyq. Bizde Caspi Bitum men Pavlodar munaı-hımııa zaýytynan basqa taǵy bir zaýyt bar. Shymkenttegi «QazaqBıtým» JShS 300 myń tonna bıtým óndire alady. Sonda jylyna 1,5 mln tonnaǵa deıin bıtým shyǵarýǵa bolady, — dedi Ashat Hasenov.
Kólik mınıstri Marat Qarabaev tapsyrystar ýaqtyly berilip, ýaqtyly oryndalyp jatqanymen bári bir bıtým ımporty toqtamaıtynyn aıtty.
— Bizde belgili bir mólsherde ımport qalady. Óıtkeni jol jóndeý jumystary, jalpy jol salý jumystarynyń aýqymy byltyrǵymen salystyrǵanda ulǵaıyp jatyr, — dedi mınıstr.
Buǵan deıin kómir óndirisiniń jańa tehnıkalyq reglamenti bekitilgenin jazǵan edik.