Bıtým eksportyna qoıylǵan shekteý merziminen buryn alynbaq
ASTANA. KAZINFORM — Qazaqstan aýmaǵynan Eýrazııalyq ekonomıkalyq odaqtyń kedendik aýmaǵynan tys jerlerge munaı bıtýmyn áketýge salynǵan shekteý alynyp tastalmaq. Osyǵan qatysty Energetıka mınıstriniń buıryǵy ashyq NQA portalynda jarııalandy.
Qujatty qabyldaý qajettiligi jol bıtýmyn tutynýdyń maýsymdyq sıpatyna, otandyq kásiporyndardaǵy bos óndiristik qýattardyń bolýyna jáne munaı óńdeý zaýyttarynyń turaqty júktemesin qamtamasyz etý qajettiligine baılanysty.
Buıryq jobasy qabyldanǵan jaǵdaıda, maýsymaralyq kezeńde ishki naryqta suranysy tómendegen jol bıtýmynyń artyq kólemin EAEO-nyń kedendik aýmaǵynan tys elderge eksporttaýǵa múmkindik týady.
Aıta keteıik, Energetıka mınıstriniń 2026 jylǵy 30 sáýirdegi buıryǵymen 2026 jylǵy 1 shildeden bastap 2026 jylǵy 31 jeltoqsanǵa deıingi merzimge Eýrazııalyq ekonomıkalyq odaqtyń kedendik aýmaǵynyń sheginen tys jerlerge Qazaqstan Respýblıkasynyń aýmaǵynan munaı bıtýmyn áketýge alty aı merzimge tyıym salynǵan edi.
Esterińizge sala ketsek, osy jyldyń shildesinde Premer-mınıstri Oljas Bektenov Mańǵystaý oblysyna jumys sapary kezinde jol bıtýmyn óndirý kólemin arttyrýdy, jańa óndirý qýatyn iske qosýdy tapsyrǵan bolatyn.
