«Bıtlz» qoltańbasy bar kúıtabaq 300 myń AQSh dollaryna satyldy
ASTANA. 1 sáýir. QazAqparat - «Bıtlz» albomy, ıaǵnı toptyń barlyq tórt múshesi qol qoıǵan kúıtabaq AQSh-ta ótken bássaýdada 300 myń dollarǵa satyldy. Bul onyń bastama baǵasynan 10 ese asyp tústi. Bul týraly VVS habarlady.
Bássaýdashylardyń málimetinshe, 1967 jyly shyqqan Sergeant Pepper's Lonely Hearts Club Band palastınkasynyń bul danasy óte jaqsy saqtalǵan kórinedi jáne ony amerıkandyq kollektsııa jııýshy Internet arqyly satyp alǵan.
Albomdy satyp alýshy men satýshynyń esimderi atalǵan joq.
