Bıtkoın baǵamy alǵash ret 33 myń dollardan asty jáne ol kún sanap ósip keledi
NUR-SULTAN. QazAqparat – Bıtkoın baǵam óziniń tarıhı rekordyn bir kún ishinde birneshe ret jańartty. 2 qańtarda tarıhta tuńǵysh ret bıtkoınniń baǵasy 30 myń dollardan asyp ketse (Grınvıch ýaqyty boıynsha 13: 13-te), odan keıin 33 myń dollardan asty jáne ósýin jalǵastyrýda. Bul týraly QazAqparat BBC News saıtyna silteme jasap habarlaıdy.
Sonymen, bıtkoın 2 qańtar kúni 10%-dan asa qymbattady. Bıtkoın baǵamynyń ósýi jeltoqsannyń ekinshi jartysynda qarqyndaı tústi. Bir-eki apta buryn – 16 jeltoqsanda krıptovalıýtanyń baǵasy tarıhı eń joǵary deńgeıden – 20 042 dollardan asyp tústi.
Bir jyldyń ishinde bıtkoın baǵasy tórt eseden asyp tústi. Ótken jyldyń basynda onyń baǵasy 7 myń dollar aıasynda bolǵan. Bıtkoın kýrsy ótken jyldyń naýryz aıynda koronavırýs indeti bastalǵaly beri – álemdik qor naryqtarynyń quldyraýy jáne munaı baǵasynyń tómendeýi jaǵdaıynda kóterile bastady.
Qazan aıynda krıptovalıýta baǵamynyń ósýine PayPal tólem júıesiniń 2021 jyldan bastap tólem quraly retinde krıptovalıýtany qabyldaýǵa daıyn ekendigi týraly habarlamasy túrtki boldy. Sarapshylar aldaǵy ýaqytta bıtkoın kúrt quldyraýy múmkin ekenin atap ótti. Olardyń pikirinshe, qazir krıptovalıýta kýrsy qanshaǵa deıin ósetinin boljaý qıyn.
