Bıtkoınniń kýrsy 6 myń dollarǵa jaqyndap qaldy
ASTANA. QazAqparat - Bıtkoın krıptovalıýtasy qymbattap jatyr. Elektrondyq valıýtanyń quny 6 myń dollarǵa jaqyndap qaldy. Halyqaralyq valıýta qory krıptovalıýtaǵa qyzyǵýshylyq tanytýda, dep habarlaıdy QazAqparat Deutsche Welle -ǵa silteme jasap.
Álemdegi eń tanymal bıtkoın krıptovalıýtasy 6 myń dollarǵa jaqyndap, rekord ornatty. BitStamp saýda alańynda elektrondyq aqsha juma, 13 qazan kúni 7,4 protsentke - 5 846 dollarǵa deıin qymbattady. Odan bir kún buryn bıtkoın kýrsy 5 myń dollar turǵan edi.
Halyqaralyq valıýta qorynyń (HVQ) basshysy Krıstın Lagard ortalyq bankter men retteýishterdiń krıptovalıýtaǵa nazar aýdaratyn ýaqyttyń kelgenin málimdedi. Jańa qarjylyq-tehnıkalyq ónimder jahandyq tólem júıesine ıntegratsııalandy jáne olardy elemeý qaýip tóndiredi, dedi ol Vashıngtondaǵy jyl saıynǵy HVQ otyrysynda.
Lagard HVQ-nyń óziniń jeke krıptovalıýtasyn jasaýy múmkin ekenin joqqa shyǵarmady.
