Bıtkoınniń baǵasy 5 myń dollarǵa jetip, keıin qaıta tómendedi
ASTANA. QazAqparat - Búgin túnde álemdegi tanymal krıptovalıýta baǵamy alǵash ret 5 myń AQSh dollaryna jetti.
CoinDesk deregi boıynsha eń joǵarǵy kýrs Qytaıdaǵy OKCoin bırjasynda tirkelip, bıtkoın $5149-ǵa jetti. Mundaı baǵa uzaq turmady - tek on mınýtqa sozyldy, keıin $5000-ǵa tómendedi, odan keıingi saǵatta $4867-ge tústi.
Budan buryn sarapshylar tanymal krıptovalıýtanyń ósetinin boljap, jýyq arada bıtkoınnyń $5000-ǵa jetetinine sendirgen edi. Kóptegen sarapshylar bıtkoınnyń bolashaǵyna qatysty jaqsy boljamdar jasady - onyń baǵamy Goldman Sachs sarapshylarynyń boljalynan asyp tústi: olardyń boljamy boıynsha, krıptovalıýta 2017 jyldyń sońynda ǵana $4 myńǵa jetýi tıis bolǵan.
McAfee antıvırýsyn jasaǵan kompanııanyń negizin qalaýshy Djon Makafı aldaǵy úsh jylda krıptovalıýtanyń baǵasy birligine jarty mıllıon dollarǵa jetedi dep esepteıdi.
Bitcoin - ortalyqtandyrylmaǵan krıptovalıýta. Ony eshqandaı memleket basqara almaıdy, onyń tranzaktsııalary ashyq, sondaı-aq qupııa. Onyń júıesi senimdi qorǵalǵan, ol óte ońaı, sonymen qatar kúrdeli.
