Bıtkoın baǵasy quldyrap ketti

BAKÝ. QazAqparat – Bıtkoınniń baǵasy dúısenbide 23 000 dollardan tómen túsip, 2020 jyldyń jeltoqsanynan beri eń tómengi deńgeıge jetti, dep habarlaıdy QazAqparat menshikti tilshisi CNBC-ge silteme jasap.

Bıtkoın shamamen 17%-ǵa tómendedi jáne 22 764 dollar shamasynda saýdalandy. Bul shyǵyndardyń keıbireýleri keıinirek qalpyna keltirildi. Ýoll-strıtte kúndizgi saǵat 4-te bıtkoın 15%-yn joǵaltyp, 23 351 dollardy qurady. 14 maýsymdaǵy jaǵdaı boıynsha krıptovalıýtanyń quny 7%-ǵa, ıaǵnı 22 285 dollarǵa deıin tómendedi.

Al sońǵy táýlikte quny 21 myń dollardan tómen tústi. CoinMarketCap málimetteri boıynsha, ótken aptanyń aıaǵynan bastap naryq shamamen 200 mıllıard dollar joǵaltty. Al krıptovalıýta naryǵyn kapıtaldandyrý 2021 jyldyń aqpan aıynan bastap alǵash ret dúısenbide 1 trln dollardan tómendedi.

Eń tanymal krıptovalıýta baǵamy ınvestorlardyń táýekeldi aktıvterdi keńinen satýy aıasynda quldyraýda.