Bıtkoın baǵasy 17%-ǵa tómendedi
NUR-SULTAN. QazAqparat – Bıtkoın saýda sessııasy barysynda 33,670 myń AQSh dollaryna deıin (-17,12%) tómendeýin jedeldetti, dep habarlaıdy QazAqparat Coindesk portalyna silteme jasap.
Sońǵy málimet boıynsha, bıtkoın kýrsy 35,754 myń AQSh dollary (-11,99%) deńgeıinde boldy.
Bıtkoın – kez kelgen qoldanýshy, júıe qatysýshysy «óndire» (aınalysqa shyǵara) alatyn blokcheın tehnologııasy negizindegi ózi attas krıptovalıýtanyń ortalyqsyzdandyrylǵan júıesi.
Júıe kontseptsııasyn 2008 jyldyń qarashasynda onyń avtory (múmkin avtorlar ujymy) Satosı Nakamoto jarııalady. Bıtkoınnyń tanymaldylyǵy keıingi jyldary ósti.
Eske salsaq, osy jyldyń aqpan aıynda bıtkoınnyń baǵasy tarıhı maksımýmdy kórsetip, $50,645 myńǵa jetken bolatyn.