Bıtkoın arqyly jasalǵan jalǵan mámile: Shymkentte iri alaıaqtyq áshkerelendi

ASTANA. KAZINFORM — ІІM Shymkent qalasynda asa iri kólemdegi alaıaqtyq jáne bopsalaý derekterine qatysty zańsyz áreketterdiń jolyn kesti. Bul týraly ІІM baspasóz qyzmeti málim etti.

— Kúdikti alaıaqtyq jolmen quny shamamen 2,5 mln AQSh dollaryn quraıtyn bıznesti ıemdengen. Ol esep aıyrysý krıptovalıýtamen (bıtkoınmen) júrgiziledi degen syltaýmen kompanııa men onyń múlkin óz atyna rásimdeýdi uıymdastyrǵan.  Zańdy rásimder aıaqtalǵannan keıin burynǵy ıesine krıptoámııanǵa qol jetkizý úshin jalǵan málimetter berilgen, ıaǵnı is júzinde tólem jasalmaǵan. Keıin jaǵdaıdy paıdalanyp, kúdikti eks-ıesine kompanııada oǵan qatysty áshkereleıtin materıaldar bar ekenin aıtyp, olardy taratpaý úshin 250 myń AQSh dollaryn talap etken, — delingen habarlamada.

Quzyrly organnyń málimetinshe, jedel is-sharalar barysynda kúdikti talap etilgen somanyń bir bóligin 150 myń AQSh dollaryn alý kezinde ustalǵan.

Alaıaqtyq jáne bopsalaý faktileri boıynsha qylmystyq ister qozǵaldy. Kúdikti ýaqytsha ustaý ızolıatoryna qamaldy.

Aıta keteıik, buǵan deıin polıtsııa ShQO-da asa iri kólemdegi psıhotroptyq zattar saqtalǵan qoıma anyqtaǵan bolatyn.