Bitirý keshin dúrkiretip ótkizgen «Aıqanat» bilim berý mekemesine aıyppul salyndy

KÓKShETAÝ. QazAqparat - Aqmola oblysynyń Şýche qalasyndaǵy «Aıqanat» bilim berý mekemesinde shekteý talaptarynyń buzylǵandyǵy anyqtaldy, dep habarlaıdy QazAqparat tilshisi oblystyq sanıtarlyq-epıdemıologııalyq baqylaý departamentiniń baspasóz qyzmetine silteme jasap.

Vedomstvonyń málimetinshe, 2021 jylǵy maýsymnyń 14-de Şýche qalasynyń «Aıqanat» bilim berý mekemesinde kópshiliktiń jınalýymen mektep bitirý keshi saltanatty sharasy ótti.

«Shara koronavırýs ınfektsııasynyń taralý qaýpiniń aldyn alý boıynsha sanıtarlyq-epıdemııaǵa qarsy, sanıtarlyq-profılaktıkalyq is-sharalardy uıymdastyrýǵa jáne júrgizýge qoıylatyn sanıtarlyq-epıdemıologııalyq talaptardy buza otyryp ótkizildi. Osy jaǵdaıǵa baılanysty Býrabaı aýdandyq sanıtarlyq-epıdemıologııalyq baqylaý basqarmasy Býrabaı aýdanynyń polıtsııa bóliminiń raporty negizinde Ákimshilik quqyq buzýshylyq kodeksiniń 802 baby 2-shi bóligi 1-shi bólimshesi boıynsha «Aıqanat» bilim berý mekemesine qatysty Ákimshilik quqyq buzýshylyq kodeksi 425 babynyń 1-shi bóligi boıynsha 230 aılyq eseptik kórsetkish mólsherinde (670910 teńge) ákimshilik quqyq buzýshylyq hattamasyn toltyryldy», - dedi vedomstvodan.