Bitimgershilik mıssııalarǵa qatysatyn áskerılerge shet tilderi úıretilýde

ALMATY. QazAqparat – Almatyda Qorǵanys mınıstrliginiń bitimgershilik daıarlyq ortalyǵynda til úırenýdiń qarqyndy daıyndyǵy boıynsha kezekti kýrs aıaqtaldy, dep habarlaıdy QazAqparat.

«Qarýly Kúshterden 66 áskerı qyzmetshi til úırený kýrsyn oqydy. Jarty jyl boıy oqytýshylar kóp ultty ortada tıimdi qyzmet etý úshin jetkilikti aýyzeki sóıleý, oqý, jazý mashyǵyn damytý maqsatynda tyńdaýshylarǵa aǵylshyn tilin úıretti», - dedi mınıstrlikten.

Bitimgershilik daıarlyq ortalyǵynyń bastyǵy polkovnık Baýyrjan Nyǵmetýllın áskerı qyzmetshilerge kýrsty sátti aıaqtaǵany týraly sertıfıkattar tabys etti. Sondaı-aq alǵan bilimderi olarǵa bitimgershilik mıssııanyń mindetterin oryndaýda septigi tıgizerin atap ótti. Sebebi bitimgerler beıbitshilikti qalpyna keltirýdi, dıalog pen senimdi qalyptastyrýdy qoldaıtyn, aıryqsha mıssııany atqarady.

Sondaı-aq, ortalyqta Frantsııanyń Qazaqstandaǵy Elshiliginiń qoldaýymen uıymdastyrylǵan frantsýz tilin qarqyndy oqytý kýrsy da aıaqtaldy.

Ofıtserler DELF A2 deńgeıine sáıkes qorytyndy emtıhandy jaqsy tapsyrdy.