Bıshimbaevtyń jazasyn jeńildetemin: Alaıaq 100 mln teńge dámetken
ASTANA. KAZINFORM – Qýandyq Bıshimbaevtyń jazasyn jeńildetýge ýáde etken Astana turǵynyna qatysty tergeý aıaqtaldy. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıǵaıdarov jýrnalısterge arnalǵan brıfıngide málimdedi.
Sotqa deıingi tergeý Bıshimbaevtyń týystarynyń ótinishi boıynsha júrgizilgen.
«Astana turǵyny asa iri kólemde alaıaqtyq jasaýǵa árekettendi. Atap aıtsaq, Bıshimbaevtyń jazasyn jeńildetemiz degen jeleýmen 100 mıllıon teńgeni aldy degen kúdikke ilindi. Sonymen qatar kúdiktiniń áreketi asa iri kólemde para berýge ıtermeleý retinde saralanyp otyr», - dedi anııar Bıǵaıdarov.
Onyń aıtýynsha, astanalyq turǵynnyń basqa da qylmystarǵa qatysy bar-joq ekenin anyqtalyp jatyr.
«Oǵan qatysty qamaýǵa alý túrindegi bultartpaý sharasy tańdaldy. Tergeý aıaqtaldy, is qaralýda», - dep qosty vedomstvonyń resmı ókili.
Aıta keteıik, áıelin óltirdi degen aıyp taǵylyp, aqyry 24 jylǵa bas bostandyǵynan aıyrylǵan Qýandyq Bıshimbaev temir tordyń ar jaǵynda áli kúnge deıin sot sheshimine kelispeı otyr. «Jaza bastym» dep jazasyn jeńildetýdi suraıdy.
