Bıshimbaevtyń inisi Baıjanovqa taǵylǵan aıyp ózgerdi

ASTANA. KAZINFORM – Sýdıa Aıjan Qulbaeva burynǵy mınıstr Qýandyq Bıshimbaevtyń týys inisi Baqytjan Baıjanovtan qylmys týraly habarlamaǵany úshin aıypty ózgertti.

«Sot qaýly etti: QR QK 434-baby boıynsha Baıjanovty memlekettik aıyptaýshynyń aıyptaýdan bas tartýyna baılanysty asa aýyr qylmys týraly habarlamaý týraly is júrgizý toqtatyldy», - dedi sýdıa.

Endi Baıjanovty Qylmystyq Kodekstiń 432-baby «Asa aýyr qylmysty aldyn ala ýáde etilmegen jasyrý» boıynsha ǵana aıyptaıdy.

Buǵan deıin ótken otyrysta bul týraly memlekettik aıyptaýshy ótinish bildirgen bolatyn. Sýdıa Aıjan Qulbaeva tergeýdiń aıaqtalǵanyn jáne sot jaryssózderine kóshkenin jarııalady.