Bıshimbaevty ustaý kezinde polıtseıler talaptardy buzdy ma – mınıstrlik vıdeodaǵy derekterdi tekseredi

ASTANA. KAZINFORM – Іshki ister mınıstriniń orynbasary Igor Lepeha Ulttyq ekonomıka eks-mınıstri Qýandyq Bıshimbaevty ustaý kezinde polıtseılerdiń kúdiktiniń qolynan kisendi sheship, temeki tartýǵa ruqsat berý áreketine qatysty pikir bildirdi.

Aıta keteıik, osyǵan deıin ǵalamtor jelisinde Bıshimbaevty ustaýǵa qatysqan polıtseıdiń beıne túsirilim jasaǵan jetonynyń vıdeosy taraǵan edi. Osy vıdeoda kúdiktiniń polıtseı kóliginiń janynda temeki tartyp turǵany túsirilgen.

«Jetondaǵy bul beıneni kórgen joqpyn. Vıdeodaǵy derekterdi zerttep kóreıik. Olar oǵan temeki tartýǵa ruqsat bermeýi kerek edi, biraq olar kisendi sheshe alady. ıAǵnı, kúdiktini jetkizýdiń tıisti talaptary bar. Máselen, kólikke deıin júrgen kezde ol kisende bolýy kerek. Al polıtseı kóligine otyrǵanda, qolynan kisendi sheshýge ruqsat etiledi», - dedi I. Lepeha Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, bul áreketter polıtseılerdi azaptady dep aıyptamaýy úshin jasalady.

«Kisendi sheshýge qatysty talapty buzý is-qımylyn kórip turǵan joqpyn. Temeki tartý deregine toqtalsaq, bul jaǵdaıdy tekserý kerek. Barlyq áreketterimizdi baǵalaıtyn tıisti bólimshemiz bar. Sol bólimsheniń basshysyna osy derekti tekserý jóninde nusqaý beremin», - dedi mınıstrdiń orynbasary.