Bıshimbaev isi: Sýdıa úkim shyǵarýǵa daıyndalyp jatyr

ASTANA. KAZINFORM – Sýdıa Aıjan Qulbaeva aıyptalýshylar – Qýandyq Bıshimbaev pen Baqytjan Baıjanovqa qatysty sot úkimin shyǵarýǵa kirise bastady. Bul týraly Astana qalalyq sotynyń baspasóz qyzmeti habarlady.

«Sýdıa sot aktisin shyǵarý úshin keńesý bólmesine ketti», - dedi sottyń baspasóz qyzmeti.

Basqa málimetter belgisiz. Sýdıanyń keńesý bólmesine kirgenine qaraǵanda alqabıler daýys berip, qoıylǵan suraqtarǵa jaýap bergen bolýy múmkin.

Buǵan deıin Astana qalasynyń qylmystyq ister jónindegi mamandandyrylǵan aýdanaralyq sotynda aıyptalýshylar Qýandyq Bıshimbaev pen Baqytjan Baıjanovqa qatysty ótip jatqan sot protsesinde sýdıa Aıjan Qulbaeva alqabılerge qoıylatyn suraqty oqyp bergenin jazǵan bolatynbyz.