Bıshimbaev isi: Sot alqa bılerdi foto, vıdeoǵa túsirýge qatysty tergeý júrgizedi
ASTANA. KAZINFORM – Burynǵy Ulttyq ekonomıka mınıstri Qýandyq Bıshimbaevtyń sotynda alqa bılerdi foto, vıdeoǵa túsirýge qatysty tergeý júrgiziledi. Bul týraly sot otyrysynda belgili boldy.
«Sottyń tyıym salýyna qaramastan, keshe BAQ-ta jáne áleýmettik jelilerde alqa bılerdiń bet-álpeti beınelengen vıdeo paıda boldy. Sot muny kim istegenin tekseredi. Ázirge sot buqaralyq aqparat quraldary men jeke tulǵalarǵa alqa bılermen kadrlary bar áleýmettik jelilerdegi beınelerdi joıý týraly sheshim qabyldady. Tekserý nátıjeleri anyqtalǵanǵa deıin BAQ ókilderi sot zalynan shyǵarylsyn», -dedi sýdıa Aıjan Quljanova.
Aıta keteıik, Qýandyq Bıshimbaevtyń sotynda alqa bılerdi foto, vıdeoǵa túsirip jarııalaýǵa tyıym salynǵan.
Eske sala ketsek, bıyl 27 naýryzda elordanyń qylmystyq ister jónindegi mamandandyrylǵan aýdanaralyq sotynda Q.Bıshimbaevtyń isi boıynsha alqabılerdi irikteý ótti.
2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty.
Áıel jedel járdem jetkenshe kóz jumdy. Munan soń Іshki ister mınıstrligi Qýandyq Bıshimbaevtyń ustalǵanyn rastady.
Ótken jyly 15 qarashada ótken keńeste Memleket basshysy Qasym-Jomart Toqaev Іshki ister mınıstrine Q. Bıshimbaevtiń isin erekshe baqylaýǵa alýdy tapsyrdy.
Bıyl 11 qańtarda elorda soty Qýandyq Bıshimbaevty kúzetpen ustaý merzimin 2 aıǵa uzartqan edi, 26 aqpanda Qýandyq Bıshimbaevtyń isi sotqa tústi.
1 naýryzda Qýandyq Bıshimbaevtyń isi boıynsha aldyn ala tyńdaý kúni belgilendi.
11 naýryz kúni Astananyń Qylmystyq ister jónindegi mamandandyrylǵan aýdanaralyq sotynda is boıynsha aldyn ala tyńdaý ótti.
Aldyn ala tyńdaý 12 naýryzda jalǵasty.
