Bıshimbaev isi: erteń alqabıge kandıdattardy irikteý úshin jabyq sot otyrysy ótedi
ASTANA. KAZINFORM - Bul habarlandyrýdy Joǵarǵy sot taratty.
«27 naýryzda Astana qalasynyń qylmystyq ister jónindegi mamandandyrylǵan aýdanaralyq sotynda Q.Bıshimbaevtyń isi boıynsha alqabıge kandıdattardy irikteý úshin jabyq sot otyrysy ótedi», — dep jazdy Joǵarǵy sottan.
Otyrysta 12 adamnan turatyn (10 negizgi, 2 qosalqy) alqabıler alqasy qalyptastyrylady. Іrikteý alqabılerdiń jeke basyn jarııa etý múmkindigin boldyrmaý úshin jabyq sot otyrysynda ótedi.
Eske salaıyq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy. Munan soń Іshki ister mınıstrligi Qýandyq Bıshimbaevtyń ustalǵanyn rastady. Ótken jyly 15 qarashada ótken keńeste Memleket basshysy Qasym-Jomart Toqaev Іshki ister mınıstrine Q. Bıshimbaevtiń isin erekshe baqylaýǵa alýdy tapsyrdy.
Bıyl 11 qańtarda elorda soty Qýandyq Bıshimbaevty kúzetpen ustaý merzimin 2 aıǵa uzartqan edi. Bıyl 26 aqpanda Qýandyq Bıshimbaevtyń isi sotqa tústi. 1 naýryzda Qýandyq Bıshimbaevtyń isi boıynsha aldyn ala tyńdaý kúni belgilendi.
11 naýryz kúni Astananyń Qylmystyq ister jónindegi mamandandyrylǵan aýdanaralyq sotynda is boıynsha aldyn ala tyńdaý ótti. Aldyn ala tyńdaýdyń 12 naýryzda jalǵasty.
