Bıshimbaev isi: Aıyptylar sot aldyndaǵy sońǵy sózin aıtady
ASTANA. KAZINFORM – Eks-sheneýnik Qýandyq Bıshimbaev pen onyń týys inisi Baqytjan Baıjanovqa qatysty qylmystyq is máresine jetip qaldy. Bul týraly QR Joǵaǵry Sottan habarlaıdy.
«Búgin sot jaryssózinde aıyptylar sóıledi, sodan keıin taraptardyń eskertýleri tyńdaldy. Odan ári sot alqa bılerdiń qatysýynsyz jaryssózdiń ekinshi bóligine kóshti (Qylmystyq-protsessýaldyq kodekstiń 651-babyna sáıkes alqabıler qatysatyn sotta taraptardyń jaryssózi eki bólikten turady). Jaryssózdiń ekinshi bóliginde taraptar sottalýshylardyń áreketterin saralaý, jaza taǵaıyndaý, azamattyq talap qoıý máseleleri boıynsha ustanymdaryn baıandady», - delingen habarlamada.
2024 jylǵy 6 mamyrda, saǵat 10:00-de aıyptylar sot aldynda sońǵy sózin aıtady.
Búgin túsken deıin jaryssózde ekinshi kúdikti Baqytjan Baıjanov shyndyq detektorynan ótýge daıyn ekenin aıtqan edi.
Keshe Qýandyq Bıshimbaevty qorǵaýshylary aqtaýǵa tyrysqan edi.
